Banner - Styrkja Neistann 2 smaller

banner_4
Panta minningarkort
Fréttablað Neistans
   Komdu kisa mín - millistór hnappur3

MailChimp Signup

Póstlisti Neistinn

 
Laugardagur, 14. maí 2016
20 ára afmæli styrktarsjóðs hjartveikra barna

 

Styrktarsjóður hjartveikra barna verður 20 ára á hvítasunnudag og að því tilefni ætlar Neistinn að halda afmælisveislu á leikstofu Barnaspítala Hringsins, þriðjudaginn 17. maí, kl. 15:00-17:00.


Ævar

Í veislunni verður boðið upp á ýmislegt skemmtilegt! Ævar Vísindamaður mun koma og skemmta bæði börnum og fullorðnum með sýnum einstaka hætti. Ung hjartastelpa mun leika á trompett við undirleik hjartalæknis síns, börnum gefst kostur á að fara í andlitsmálun og formaður stjórnar Styrktarsjóðsins mun segja nokkur orð.




Félagsmenn eru hvattir til að mæta í þessa skemmtilegu afmælisveislu.

 
Sunnudagur, 08. maí 2016
Afmælissund Neistans!

Í tilefni 21 árs afmælis Neistans á morgun, þann 09. maí, er félagsmönnum Neistans og vinum þeirra boðið í afmælissund!

Suðurbæjarlaugin í Hafnarfirði býður félagsmönnum fyrir sunnan í sund - og er innisundlaugin okkar frá kl 15:00-18:30. Úti eru svo heitir pottar og tvær vatnsrennibrautir. 

Sundlaugin á Akureyri býður einnig félagsmönnum og vinum fyrir norðan í afmælissund.

 

Spáin fyrir morgundaginn er að sjálfsögðu góð, heiðskýrt svo allir ættu að ná smá lit á kroppinn og hlaða D-vítamín byrgðirnar :) 

 

Endilega kíkið á viðburðinn hér

 
Mánudagur, 02. maí 2016
Frá aðalfundi Neistans

Frá aðalfundi Neistans 2016

Aðalfundur Neistans fór fram þann 26.04.2016 að Síðumúla 6.

Sjá fundarskrá hér

Samþykktar voru breytingar á lögum Neistans

 

 * Lagt er til að d-liður 4. greinar hljóði svo (sjá núverandi lög hér):
Stjórn getur falið framkvæmdastjóra, einstökum félagsmönnum eða nefndum að starfa sjálfstætt að verkefnum en þau standi skil gerða sinna gagnvart stjórninni.


Almenn ánægja ríkti með afkomu styrktarsjóðsins og vinnu félagsins síðast liðið ár, en sjóðurinn hefur eflst mikið og orðið mun sýnilegri í almennri umræðu með fyrrgreindum árangri.


Kosið var í nýja stjórn, en þau Karl Roth, Olga M. Hermannsdóttir og Ellý Ósk Erlingsdóttir gáfu ekki kost á sér til áframhaldandi setu.


Við þökkum þeim kærlega fyrir frábærlega unnin störf síðast liðin ár hjá félaginu.


Ný stjórn hefur nú tekið við og voru fjórir nýir stjórnarmenn kosnir inn, þrír til tveggja ára og einn til eins árs.

Í stjórn félagsins sitja nú:


Elín Eiríksdóttir – Formaður

Sandra Valsdóttir – Varaformaður

Áslaug Kolbeinsdóttir - Gjaldkeri

Sara Jóhanna Jónsdóttir – Ritari

Ellen Steingrímsdóttir

Helga Kristrún Unnarsdóttir

Sólveig Rolfsdóttir

 

Fríða Björk Arnardóttir gegnir starfi framkvæmdarstjóra félagsins. 

 
Þriðjudagur, 26. apríl 2016
Dagur hestsins - Neistabörnum boðið á bak

 

Dagur hestsins - allir á bak 1. maí

Þann 1. maí verður dagur íslenska hestsins haldinn hátíðlegur um allt land. Hestamannafélög munu taka á móti gestum og kynna starfsemi sína, teyma undir börnum og fræða fólk um íslenska hestinn. 


Skjólstæðingar Neistans eru boðnir sérstaklega velkomnir í Samskipahöllina þennan dag, en nánari upplýsingar um dagskrána verða birtar þegar nær dregur á vefsíðunni www.sprettarar.is.


Samskipahöllin er á hesthúsasvæði Spretts í Kópavogi sem er rétt aftan við íþróttahúsið Kórinn og stendur höllin við Hestheima 14-16.


Hestamenn safna fyrir Neistann

Við viljum enn fremur benda á söfnun Hrossaræktar ehf, til stuðnings Neistanum og Krafti

Söfnunin hófst með hinni glæsilegu stóðhestaveislu á dögunum, þar sem Sandra Valsdóttir mætti sem fulltrúi Neistans.

Hægt er að styðja félögin með því að kaupa miða í stóðhestahappdrætti Hrossaræktar sem fást í öllum hestavöruverslunum landsins.  Vinningar eru m.a. folatollar undir marga af bestu stóðhestum landsins. 


Einnig er hægt að leggja frjáls framlög til söfnunarinnar á

Kt.: 600111-0510

R.: 0101-15-383439


Aurora velgerðarsjóður gefur 1 kr. á móti hverri sem safnast hjá hestamönnunum, svo það er eftir miklu að slægjast.

Aðstandendur söfnunar Hrossaræktar ehf. vonast til að sjá sem flesta Neistamenn á degi hestsins!